Creado no ano 1997, o grupo GI-1510 Investigación e Desenvolvemento en Artes e Humanidades (USC-IDEAHS) supera os vinte anos de experiencia investigadora arredor da historia da arte, da arquitectura, da estética, os estudios visuais e as artes audiovisuais, nos cales incrementou considerablemente o número de investigadores/as e as liñas de traballo. Ao longo da súa historia foi beneficiario de numerosos proxectos de investigación con financiamento internacional, estatal e autonómico, en que o grupo acadou a condición de Grupo de Referencia Competitiva.
A día de hoxe está integrado por 15 profesores a tempo completo da USC, 12 investigadores/as predoutorais e 6 colaboradores externos. Todos estes/as integrantes e liñas de traballo fan do grupo IDEAHS un dos máis activos do departamento de Historia da Arte e da Facultade de Xeografía e Historia da USC, tanto na captación de recursos en convocatorias competitivas como na publicación de diferentes achegas. O grupo IDEAHS tamén lidera desde 2020 un Programa Agrupado de Investigación e Xestión (PAIX), que aglutina a máis de 10 grupos altamente competitivos de Humanidades e Ciencias Sociais, con dous técnicos/as superiores de xestión a tempo completo, e a creación en 2023 do Instituto de Humanidades da Universidade de Santiago (USC-iHUS)].