Ideahs

Julio Vázquez Castro é Profesor Titular de Historia da Arte na Universidade de Santiago de Compostela. A súa tese doutoral A arte relixiosa das Ordes Militares na Galicia Medieval: Orde de Santiago (1998) mereceu o Premio Extraordinario de Doutoramento e foi publicada pola Universidade de Santiago 1999 (ISBN: 84-8121-743-3).

Desde entón dedicou os seus estudos a tres liñas de investigación fundamentalmente. A primeira sería o análise da arte desenvolto polas Ordes Militares, especialmente a de Santiago, durante a Idade Media tanto a súa arquitectura militar (1996) como a súa arte relixiosa (1999, 2009, 2018 e 2025). A segunda, o estudo da arquitectura gótica e as súas fontes documentais e gráficas: as obras na Catedral de Ourense (1994-1995), as fontes escritas para a Historia da Arquitectura e do Urbanismo medieval en Galicia (2000), os mestres de obras e a construción (2001), as primeiras representacións urbanas galegas (2014), a última casa gótica da Coruña (2021 e 2023), os cárceres galegos medievais (2021) ou o neomedievalismo das Torres de Meirás (2025). A terceira, investigando a cidade de Santiago e a súa catedral durante a época do gótico e o fenómeno da peregrinación: a Berenguela e a Torre do Reloxo (1998), as desaparecidas torres do Ángel e do Gallo (2007), o cimborrio gótico (2009), o botafumeiro (2009 e 2012), a inédita viaxe de Diego de Guzmán en 1610 (2014), o concepto de fortaleza da catedral compostelá na súa imaxe real e no imaxinario colectivo durante a Idade Media (2015), a arquitectura pacega compostelá medieval (2019), a descrición de Compostela en 1759 (2021) ou a desaparecida vila medieval de Portomarín (2023, 2024 e 2025). Xunto ao profesor Jesús Ángel Sánchez García, dirixe o proxecto “Portomarín Virtual”, que obtivo o Premio Humanidades Dixitais Hispánicas de 2024, como a “Mellor ferramenta, recurso, infraestrutura desenvolvida en 2023“, e no ano 2025 foi seleccionado dentro do programa marco de Europeana e o programa europeo de subvencións “Data Sinergy“, para formar parte do “3DBigSpace Project” coordinado por Time Machine Organisation (TMO).

Ademais, é Diplomado en Profesorado de Educación Xeral Básica, especialidade de Ciencias Humanas (Escola Universitaria do Profesorado de Educación Xeral Básica de Santiago, Universidade de Santiago de Compostela, 1988); membro do Comité de Redacción e secretariado da revista Quintana, Revista do Departamento de Historia dá Arte (Universidade de Santiago); membro do iHUS (Instituto de Investigacións en Humanidades-Universidade de Santiago de Compostela) como persoal Investigador e membro do Grupo de investigación Ideahs.